Summary: Drama unfolds as popular Tiktoker, Peller, gets into a heated argument with police officers in Lagos for driving without a plate number. Get the full gist inside.
You know how things dey go for this Lagos streets, one small thing fit just turn to big drama. E be like say popular Tiktoker, Peller, jam rock today as he and some police officers for Lagos enter serious argument.
So wetin come happen?
According to the plenty clips wey dey fly up and down on social media, Peller was stopped by the officers this evening. The main reason for the stop, as we gather, na because the car wey him dey drive no get plate number.
As you suppose know, argument burst sharp sharp. In the video, you go see Peller dey para for the officers, and the officers sef no gree for am. Voices high, hands dey fly for air… the whole situation turn to proper gbas gbos right there on the road.
This thing dey happen just as the Inspector General of Police (IGP) recently give strong warning about people driving around without plate numbers, with illegal sirens, or with covered plates. The police force don dey extra vigilant for this kind matter across the country.
Right now, everybody for social media dey drop their own two cents on the matter. Some people dey support Peller, say maybe the car na new one, while others dey talk say “Oga, law na law, nobody big pass am.”
So, who you think dey right for this matter? Na police dey do their job or Peller get point?
Drop your own thoughts for the comment section
Check buzzUp9ja for more stories
Be the first to comment